Isuzu D-Max er með hefðbundið fjórhjóladrif og keyrir þar af leiðandi öllu jöfnu á afurhjólunum en tengir inn framhjólin með rafmagnsstýringu og takka í mælaborði. Hann er með millikassa og hágt og lágt drif til að nota þegar aka á við erfiðar aðstæður. Það er hægt að fá loftlæsingar bæði í fram (7,5“) og afturdrifið (8,8“) á Isuzu D-Max.

Staðalbúnaður, tengdur öryggi, í þeim bílum sem BL flytur til landsins, er með því mesta sem gerist í pallbílum af þessari gerð. Allir Isuzu D-Max bílarnir eru með ABS hemla, tvöfalda loftpúða, þriggja punkta öryggisbelti fyrir fimm, EBD hemlajöfnun, ljóskastara í framstuðar og fjölspegla halogen framljós. Það er ekki einungis öryggisbúnaðurinn sem er hugsað er fyrir heldur er Isuzu D-Max með loftkælingu (Air Condition), Hraðastillir (Cruise Control), Vökva og veltistýri, útvarp með geislaspilara og 6 hátölurum, rafdrifnar rúður og spegla, aksturstölvu, auka tengi 12V, samlæsingar á hurðum með fjarstýringu og stokk á milli framsætanna.

Það er enginn pallbíll í þessum flokki sem hefur jafn mikla dráttargetu og hæfni til að ráða við þungar byrgðar og Isuzu D-Max. Þú setur hann fyrir hestakerruna, bátinn eða tjaldvagninn og hann gerir það sem til er ætlast. Isuzu D-Max hefur 3000 kg dráttargetu sem er einsdæmi í þessum flokki bíla. Dísilvélin í Isuzu D-Max er þriggja lítra „Common Rail“ vél með millikæli og VGS tækni (Variable Geometry System) sem skilar allt að 13% betri eldsneytisnýtingu, auknu afli og töluvert minna hljóði en eldri gerð véla í D-Max. Þessi nýja vél er 163 hestöfl og allt að 360Nm við snúningsvægi frá 1800 snúningum á mínutu til 2800 snúninga á mínútu. Öflugur startari og vélahitun gerir kaldræsingu auðvelda.

Isuzu D-Max er ekki bara traustur og endingargóður heldur er hann nú vel útbúinn og hlaðinn þægilegum nýjungum sem sóma sér vel í hvaða fjölskyldubíl sem er. Nægir þar að nefna þægilega 4 þrepa sjálfskiptingu, aflmikla þriggja lítra dísilvél og notalega innréttingu. Aðbúnaður fyrir farþega í aftursæti er einn sá þægilegasti í þessum flokki bíla.