X

Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena
Bílarafhlöður Nissan tryggja raforkuöryggi á Arena

Bílarafhlöður Nissan tryggja raforkuöryggi á Arena

31

.

May
2018
/
NISSAN

Kaflaskil verða í sögu og starfemi hollenska íþróttaleikvangsins Arena í Amsterdam 29. júní þegar kveikt verður á afar öflugri 3 MW xStorage orkustöð sem geymir og miðlar raforku af 148 bílarafhlöðum frá Nissan. Rafhlöðustöðin, sem fær orku frá fjögur þúsund sólarsellum,  mun auka orkunýtni, stöðugleika, afhendingaröryggi og ljósgæði á leikvanginum auk þess að lækka kolefnisfótspor í rekstri leikvangsins. Um kvöldið heldur Ed Sheeran tónleika á Arena.

 

xStorage Nissan

Verkefnið er afrakstur samstarfssamnings sem gerður var í nóvember 2016 og fól í sér að setja upp fjögur þúsund sólarrafhlöður á þak leikvangsins og síðan öfluga orkustöð á jarðhæð sem byggir á xStorage hreinorkuverkefninu sem Nissan hefur þróað, aðallega fyrir heimili.

 

148 rafhlöður frá Nissan

Orkustöðin inniheldur 63 uppgerðar og 85 nýjar bílarafhlöður frá Nissan. Orkustöð Arena var sérstaklega þróuð og hönnuð fyrirleikvanginn og 2017 hlaut kerfið nýjungar- og frumkvöðlaverðlaunin Accenture Innovation Award.

 

Mikilvægt samstarfsverkefni

Nissan, orkustýringarfyrirtækið Eaton, orkusölufyrirtækið The Mobility House og hollenska frumkvöðlafyrirtækið Amsterdam Energy Arena standa að Arena-verkefninu og nú er verið að ljúka frágangi við uppsetningu kerfisins í sérstakri byggingu við leikvanginn áður en orkustöðin verður ræst með blaðamannafundi þann 29. júní.

 

Tryggir afhendingaröryggi

Orkustöðin getur séð Arena fyrir raforku óháð öðrum kerfum sem þýðir að þótt rafmagnið fari af nálægum hverfum eða jafnvel allri Amsterdamborg munu ljósin skýna áfram á Arena þegar þar eru íþróttaleikir eða stórtónleikar. Nú tryggja dísilvélar afhendingaröryggi á viðburðum Arena. Með xStorage mun kolefnisfótspor vegna starfsemi á Arena lækka.

 

Aflar líka tekna

Einnig verður hægt að deila umframraforku af xStorage út á almenna raforkukerfið og afla tekna þannig að framkvæmdaaðilar verkefnisins fái fyrr kostnaðinn greiddan fyrr til baka. Þegar reynslu hefur verið aflað af rekstri kerfisins er ætlunin að bjóða fleiri orkufrekum aðilum lausnina til notkunar með uppsetningu sams konar orkustöðvar hjá sér.

 

Framfarir á umhverfissviði

xStorage rafhlöðuorkustöðin á Arena er sú stærsta sinnar tegundar sem komið hefur verið upp fyrir starfsemi eins og þá sem Arena hýsir. Verkefnið er talið marka tímamót á raforkumarkaði sem geti leitt til umtalsverðra framfara í umhverfismálum fjölgi sambærilegum og sjálfbærum orkustöðvum í heiminum á borð við xStorage sem er bæði öruggt og ódýrt miðað við afköst.

 

Sjá fleiri fréttir