X

BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express
BL-bílarnir rökuðu til sín verðlaunum hjá Auto Express

BL-bílarnir rökuðu til sín verðlaunum hjá Auto Express

29

.

June
2017
/
BL Fréttir

Land Rover Discovery er Bíll ársins 2017 að mati Auto Express Bíll ársins verður að mati Auto Express að skara fram úr öðrum, m.a. á grundvelli nýsköpunar og koma fram með eitthvað nýtt í sínum flokki og það eru nákvæmlega þessir hlutir sem Land Rover Discovery gerir að mati dómnefndar bílablaðsins sem kaus nýjan Discovery „Bíl ársins 2017“ á verðlaunahátíð sem fram fór í gær, þriðjudag. Auk þess var Discovery kosinn „Besti lúxusjeppinn í sínum stærðarflokki“ (Best Large Premium SUV). Alls hlutu bílaframleiðendur sem BL hefur umboð fyrir hér á landi 8 verðlaun af 28 sem veitt voru á hátíðinni, Jaguar hlaut tvenn og BMW fern verðlaun.

Að mati Auto Express þenur Land Rover Discovery mörk þess mögulega í hönnun lúxusjeppa í þessum gæða- og stærðarflokki. Það gerir framleiðandinn t.d. með enn frekari tækninýjungum, farþegarými sem einnig tekur mið af þörfum gæludýra og auk þess plássi þar sem sjö farþegar komast auðveldlega fyrir á þægilegan hátt. Í niðurstöðu dómnefndar segir að í heild blasi glæsileikinn við og vandaður frágangur ofan í smæstu smáatriði. Með hinum nýja og endurhannaða Land Rover Discovery hafi Jaguar Land Rover auk þess komið fram með lúxusjeppa á verði sem enginn annar framleiðandi keppir við í dag í þessum flokki.

 

Land Rover hefur einnig brotið blað þegar kemur að útliti nýja jeppans að mati Auto Express. Dómnefndin segir að þótt ásýndin kunni ekki að falla öllum í geð séu það hreinar línur að Discovery veki eftirtekt hvar sem hann fari. Það eigi einnig við um hönnun og frágang í farþegarýminu þar sem miðjustokkurinn gegni einu lykilatriðanna af mörgum.

 

Dómnefndin fjallaði einnig um vélarnar sem boðnar eru með nýjum Discovery; V6 túrbódísilvélina og þverstæðu tveggja forpjöppu Sd4 bensínvélina sem spanna mikla breitt þegar kemur að mismunandi þörfum. Þannig hafi dísilvélin 100Nm meira tog en fjögurra strokka bensínvélin og henti dísilvélin t.d. vel þeim ökumönnum sem vilja mikla torfæru- og dráttargetu. Samt sem áður segir dómnefndin að allir geti treyst á mikil þægindi og vellíðan á ferðalagi í Discovery þar sem allar útfærslur verðlaunabílsins eru búnar loftpúðafjöðrun.

http://www.autoexpress.co.uk/land-rover/discovery/99908/car-of-the-year-2017-land-rover-discovery

Aðrir verðlaunahafar BL

Eins og áður segir hlutu bílaframleiðendur sem BL hefur umboð fyrir hér á landi 8 verðlaun af 28 sem veitt voru á verðlaunahátíð Auto Express í vikunni. Auk Discovery sem hlaut tvenn verðlaun hampaði BMW fern um verðlaunum og Jaguar tvennum.

 

Social Media Campaign of the Year 2017

Bílaframleiðandinn BMW hlaut 1. verðlaun í flokknum Social Media Campaign of the Year 2017 fyrir framúrskarandi og hagnýta upplýsingamiðlun til núverandi viðskiptavina BMW og annara aðdáenda sem óska upplýsinga og fræðslu um allt milli himins og jarðar um mismunandi BMW bíla, jafnvel mismunandi árgerðir frá fyrri áratugum. Till að uppfylla þessi markmið um framúrskarandi upplýsingamiðlun leitaði BMW ráðgjafar hjá Apple sem þekkt er fyrir góða þjónustu við viðskiptavini sína. Í framhaldinu réðu útibú BMW í Bretlandi sérstaka starfsmenn, einn í hvert útibú, sem hlutu mjög ítarlega þjálfun um allt sem við kemur mismunandi bílum BMW, árgerðir, útbúnað og notkun mismunandi tæknimöguleika sem nýir bílar BMW hafa að bjóða.

 

Séní BMW

Þessir starfsmenn eru kallaðir séní BMW (BMW's 'Genius - Live') og hafa þann starfa eingöngu að svara spurningum á staðnum. Þeir vita allt um BMW en eru ekki sölumenn. En þar sem sífellt fleiri bílkaupendur skoða og ganga frá kaupum á nýjum bíl á netinu en ekki hjá söluumboðunum eru margir sem ekki vita af séníunum sem svara símleiðis eða á gegnum gagnvirk samskiptaforrit á netinu. Með þessari framúrskarandi þjónustu og herferð á samfélagsmiðlum jókst vitund almennings um BMW því þjálfunarnámskeiðunum var streymt beint á Facebook og YouTube með stuðningi frá Instagram og Twitter. Yfir 2,5 milljónir manna sáu urðu vör við herferðina og 89 þúsund manns líkuðu við þau á netingu. Yfir 1,2 milljónir manna sáu einhver myndbandanna. Að mati dómnefndar Auto Express var herferð BMW „hrein snilld!“

http://www.autoexpress.co.uk/bmw/99921/social-media-campaign-of-the-year-2017-bmw

 

Tækniverðlaun Auto Express 2017

BMW hlaut tækniverðlaun Auto Express 2017 (Auto Express 2017 Technology Award) vegna breiðs úrvals á rafmagns- og tengitvinnbílum auk tæknibúnaðar sem gerir BMW allt að því sjálfstýrða (semi-autonomous). Að mati Auto Express tekur tækniþróun bílaframleiðenda hröðum framförum um þessar mundir og árið 2017 ber þess glögg merki eins og síðasta ár. Greinilegt er að framleiðendur leggja mikinn metnað í þróun hátæknibúnaðar til aðstoðar í akstri ásamt þróun aflrása sem nýta nýja orkugjafa. Á þessu ári er það BMW sem skarar fram úr að mati Auto Express með sannfærandi útfærslum á aflrásum sem styðjast við einn eða fleiri aflgjafa sem innleiddir hafa verið í sífellt fleiri gerðir BMW með mismunandi eiginleika. Þannig er tvinnbíllinn i8 hreinræktaður sportbíll með alla þá eiginleika sem við eigum að venjast í ofursportbílum enda aðeins 4,4 sekúndur úr kyrstöðu í 100 km/klst. Þegar sportbíllinn kom á markað árið 2014 var aflrás i8 langt á undan sinni samtíð því hún sannaði fyrir mönnum að ekki er nauðsynlegt að fórna eiginleikum og afli á altari hagkvæmninnar.

http://www.autoexpress.co.uk/bmw/99905/technology-award-2017-bmw

 

Árangurinn innleiddur í fleiri bílgerðir

Þann frábæra árangur sem náðist með þróun i8 hefur BMW yfirfært í fleiri bílgerðir sínar sem fallið hafa í góðan jarðveg hjá bíleigendum. Meðal þeirra er i3 sem er t.d. mest seldi rafknúni lúxusbíllinn í sínum flokki í Evrópu (Europe’s first premium compact electric car). Einnig bendir dómnefnd Auto Express á tengitvinntækni BMW sem finna megi í 3, 5 og 7-PHEV-línunum hjá BMW sem Auto Express segir að styðji einstaklega vel við sparneytnar dísilvélar framleiðandans.

 

BMW i3 er rafmagnsbíll ársins

Að mati Auto Express er BMW i3 rafmagnsbíll ársins (Auto Express Electric Car of the Year 2017). Dómnefndin segir að BMW hafi á síðustu 12 mánuðum bætt verulega eiginleika þessa litla og knáa rafmagnsbíls í BMW-fjölskyldunni, þar á meðal með nýrri og langdrægari 94Ah rafhlöðu sem geri kleift að aka um 200 km á rafhlöðunni og yfir 300 km sé i3 valinn með agnarsmáu bensínknúnu ljósavélinni. Ljósavélin hefur eingöngu það hlutverk að hlaða viðbótarrafmagni á rafhlöðuna þegar þörf krefur meðan á akstri stendur. Að mati Auto Express er þetta snjöll útfærsla hjá BMW auk þess sem allir innviðir i3 eru í ætt við annað hjá BMW þar sem glæsileiki og vandaður frágangur blasir við hvert sem litið er með notkun umhverfisvænna efna.

http://www.autoexpress.co.uk/bmw/i3/99878/electric-car-of-the-year-2017-bmw-i3

 

BMW 5 Series viðskiptabíll ársins

Árlega er viðskiptabíll ársins valinn á vegum fjölda fagtímarita og blaðamanna um allan heim og segir dómnefnd Auto Express að á þessum markaði berjist framleiðendur hart um hylli stjórnenda í atvinnulífinu. Að mati dómnefndarinnar er handhafi krúnunnar í ár ný kynslóð BMW 5 sem Auto Express kaus viðskiptabíl ársins 2017 (Executive Car of the Year) vegna framúrskarandi hönnunar, vandaðs frágangs og tækninýjunga sem bíllinn hafi fram að færa sem veiti ökumanni og farþegum einstök þægindi. Í niðurstöðu dómnefndar kemur fram að nýr BMW 5 sé búinn flestum þeim tækninýjungum sem finna megi í flaggskipi BMW í 7-línunni sem sé mun stærri og dýrari bíll en í 5-línunni séu lausnirnar í ódýrari útfærslu á sama tíma og bíllinn krefjist meiri þátttöku ökumanns í akstrinum en sjölínan. Meðal eiginleika BMW 5 er sjálfvirk parkering í og úr stæði þar sem bíllinn ræður sjálfur við mikil þrengsli. Að auki er nýja 5-línan búin ýmsum aðstoðarkerfum, svo sem sjálfvirkri hraða- og hemlastjórnun auk sjáfstýringar á hraðbrautum á allt að 209 km hraða á klukkustund. Við þessar aðstæður er bíllinn fullfær um að skipta um akrein og fara fram úr öðrum hægfara bílum í umferðinni.

http://www.autoexpress.co.uk/bmw/5-series/99852/executive-car-of-the-year-2017-bmw-5-series

 

Jaguar I-Pace best hannaður

Lesendur Auto Express tóku fyrr á árinu þátt í skoðanakönnun á vegum blaðsins þar sem spurt var hver væri að þeirra mati best hannaði bíllinn. Sigur úr bítum bar hinn nýi og væntanlegi rafknúni fjölskyldusportbíll, Jaguar I-Pace sem hlaut titilinn Auto Express Design Award 2017. Þetta er þeim mun merkilegri niðurstaða í ljósi þess að bíllinn kemur ekki á markað fyrr en á síðari hluta næsta árs, 2018. Það er því greinilegt að almenningur kann að meta þá meginstefnu sem Jaguar fylgir við hönnun nýrra kynslóða í bílaframleiðslu sinni, en áður hefur sportjeppinn F-Pace verið kjörinn sá fallegasti. Jaguar I-Pace verður fyrsti rafmagnsbíll Jaguar frá upphafi þegar hann kemur á markað. Hann hefur verið sýndur við ýmis opinber tækifæri á undanförnum mánuðum og hvarvetna hlotið mikið lof, bæði meðal bílasérfræðinga, en ekki síst hjá almenningi sem séð hefur bílinn. 

http://www.autoexpress.co.uk/jaguar/i-pace/99887/design-award-2017-jaguar-i-pace

 

Jaguar XE besti minni viðskiptabíll ársins

Í flokki minni viðskiptabíla á árinu (Compact Executive Car of the Year 2017) fór Jaguar XE með sigur af hólmi á verðlaunahátíð Auto Express. Þetta er þriðja árið í röð sem XE hlýtur titilinn þrátt fyrir harða samkeppni, m.a. frá BMW 3. Að mati dómnefndar hefur öðrum þó ekki enn tekist að jafna eiginleika XE þegar komi að klettliggjandi aksturseiginleikum og miklum búnaði sem Jaguar bjóði með nýjum XE. Það sem ráði þó úrslitum í ár að mati dómnefndar sé aukin fjölbreytni í vélavali sem kaupendum standi til boða og það úrval hafi enginn jafnað enn sem komið er að mati nefndarinnar.

Á sama hátt og dísilvélarnar eru sparneytnar og hagkvæmar í rekstri með litlum útblæstri bjóða forþjappaðar bensínvélarnar upp á sanna sporteiginleika sem unun er að reyna við krefjandi aðstæður. Bíllinn er afturdrifinn, nákvæmur í stýri, léttur enda smíðaður úr áli og þegar allir þessir eiginleikar koma saman er ekki hægt annað en njóta aksturs í Jaguar XE til hins ítrasta að mati dómnefndar.

http://www.autoexpress.co.uk/jaguar/xe/99870/compact-executive-car-of-the-year-2017-jaguar-xe

Sjá fleiri fréttir