X

BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins
BMW veitir liðsinni við hreinsun Kyrrahafsins

BMW veitir liðsinni við hreinsun Kyrrahafsins

30

.

October
2018
/
BMW

Hollendingurinn ungi, Boyan Slat, hefur í mörg ár átt þann draum að hinn gríðarstóri plastflekkur sem er að finna í Kyrrahafinu og slagar upp í stærð Rússlands, yrði hreinsaður upp til bjargar sjávardýrum hafsins frá mengun og plastögnum. Flekkurinn uppgötvaðist árið 1997 og hingað til hefur verið talið ógerlegt að hreinsa upp plastið, bæði vegna stærðar flekksins og gífurlegs kostnaðar. En hinn tuttugu og fjögurra ára gamli fyrrverandi verkfræðinemi við háskólann í Delft hefur aldrei gefist upp á hugmynd sinni og 2013, þá átján ára gamall, stofnaði hann nýsköpunarverkefnið The Ocean Cleanup um útfærslu hugmyndar sinnar sem smám saman hefur náð athygli víða um heim því fleiri og fleiri hafa sannfærst um ágæti hugmyndar hans sem þykir raunsæ og gerleg.

Plastmengun í Kyrrahafi


Sjálfvirk ruslagildra

Í stuttu máli gengur hugmynd Slat út á það að setja út nokkur hundruð metra langt flotholt (plaströr) með þriggja metra síðu „pilsi“ hangandi undir flotholtinu sem ætlað er að fanga plastið. Hver eining er dregin út á haf og skilin eftir á fyrirfram ákveðnum stöðum þar sem vindáttir og hafstraumar eru heppilegar. Þar sem gildrurnar taka meiri vind og hafstraumar ná betri tökum á þeim fljóta þær hraðar en plastið og þannig er þeim ætlað að fanga ruslið hægt og bítandi. Áætlanir The Ocean Cleanup gera ráð fyrir að síurnar verði tæmdar á fimm ára fresti af mörg hundruð tonnum af plasti í hvert sinn.

Plastfangari The Ocean Cleanup

Nota rafknúna BMW

Ekki er lengur skortur á fjárfestum til að styðja framkvæmd verkefnis The Ocean Cleanup. BMW hefur frá árinu 2017 stutt starfsemi nýsköpunarfyrirtækisins með því að útvega Boyan Slat og starfsliði hans 100% rafknúna bíla af gerðinni BMW i3 sem fyrirtækið hefur haft til afnota endurgjaldslaust á ferðum sínum til funda með fjárfestum. Nú lét BMW fyrirtækinu í té nokkra BMW i3 í tengslum við undirbúning og kynningnu á framkvæmd fyrsta leiðangursins sem lagði af stað með fyrstu ruslagildruna út á Kyrrahaf frá San Francisco í byrjun september.

BMW lánar fyrirtækinu nokkra i3 rafbíla endurgjaldslaust


Lagt af stað í hreinsun

Leiðangurinn nefnist „System 001“ og hófst þegar dráttarbátur lagði af stað úr höfninni í San Francisco með gildruna út á Kyrrahaf þar sem henni var sleppt 600 km frá ströndinni. Að loknum tveggja vikna tilraunum á hafsvæðinu var gildran dregin áfram eina 1.500 km þar sem jaðar stóra plastflekksins (Great Pacific Garbage Patch) er að finna og verkefni ruslagildrunnar hófst fyrir alvöru.

Dráttarbátur lagður af stað út á Kyrrahaf með plastfangara


Með BMW i

Auk aðstoðar BMW við The Ocean Cleanup í San Francisco hefur BMW einnig látið höfuðstöðvum fyrirtækisins í Rodderdam í té nokkra BMW i3s sem Boyan Slat og starfslið hans hafa til afnota endurgjaldslaust að minnsta kosti til ársloka 2019. Það er ímynd og trúverðugleika The Ocean Cleanup mikilvægt og ekki síst hinu einstaka umhverfisverkefni sem fyrirtækið vinnur við, að bílafloti fyrirtækisins sé eins umhverfismildur og kostur er.

Boyan Slat ekur BMW i3


95% endurvinnanlegur

BMW i3 er um margt einstakur bíll, hvort sem litið er til hönnunar og efnisnotkunar eða framleiðslunnar sjálfrar. Þannig er eingöngu notuð græn raforka við allra framleiðsluferla bílsins, undirvagninn er smíðaður úr áli og yfirbyggingin úr hástyrktum koltrefjum og er i3 fyrsti fjöldaframleiddi bíllinn í heiminum sem hannaður er með slíkri yfirbyggingu sem gerir hann einnig óvenjuléttan af rafbíl að vera. Að síðustu má nefna að innviðir farþega- og farangursrýmis eru alfarið úr náttúrulegum og endurvinnanlegum efnum, enda er BMW i3 95% endurvinnanlegur.

Fyrstu niðurstöður prófana á plastgildrunni

Sjá fleiri fréttir