X

Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona
Hyggst klára hnattferð föður síns á rafbílnum Hyundai Kona

Hyggst klára hnattferð föður síns á rafbílnum Hyundai Kona

15

.

May
2019
/
HYUNDAI

Á Kanaríeyjum býr ungur byggingarverkfræðingur, ættaður frá hafnarborginni Busan í Suður-Kóreu, sem hyggst „klára heimsreisu“ föður síns sem sigldi frá Busan einn síns liðs til Spánar fyrir um fjörutíu árum og ílengdist þar þótt ætlunin hefði verið að sigla umhverfis jörðina aftur heim til Busan. Nú ætlar Chang-Hyun Moon, sonur Yuna, að klára ferðalag föður síns með táknrænum hætti með því að aka til Kóreu frá Kanaríeyjum á rafbílnum Hyundai Kona. Með í för verða ökumenn á rafbílnum Hyundai Ioniq EV og rafknúna vetnisbílnum Nexo.

Sigldi frá Busan til Kanarí

Yuna var á yngri árum sjómaður á litlum fiskibáti og bjó og gerði út frá hafnarborginni Busan við suðausturhluta Kóreuskaga. Með Yuna blundaði þráin um að skoða heiminn og heimsækja fjarlæg lönd. Hann lét drauminn rætast. Dag einn leysti hann landfestar á bát sínum og lagði út á Japanshaf og áfram út á Kyrrahafið. Þaðan hélt leiðin til Panama þar sem hann sigldi um skurðinn fræga og út á Atlantshaf. Þar tók Moon stefnuna til Kanaríeyja, þar sem hann hugðist hvíla sig vel enda hálfnaður með hnattferðina. En örlögin höguðu því svo til að ferðin varð ekki lengri og hefur hann búið þar æ síðan.

Um hálfan hnöttinn á rafbíl

Sonur hans, Chang-Hyun Moon, sem býr og starfar á Kanaríeyjum, ætlar nú að klára ferðalag föður síns og leggur hann af stað í dag, miðvikudag. Hann ætlar þó ekki að fara sjóleiðina nema að litlum hluta því til fararinnar hefur hann fengið afnot af rafbíl af gerðinni Hyundai Kona EV sem umboðið á eyjunum hefur lánað honum til ferðalagsins sem spannar alls um 17 þúsund kílómetra. Af eðlilegum ástæðum mun Moon ekki þurfa að kaupa einn lítra af jarðolíueldsneyti á leiðinni til Busan.

Leiðin liggur um 20 lönd.

Fyrir umhverfið

Markmið Hyundai Motor Company með því að lána Moon rafbílinn er að sýna að rafbílar eru ekki lengur fyrirstaða til langferða um leið og fyrirtækið vill taka undir með loftslagsnefnd Sameinuðu þjóðanna með því að leggja áherslu á mikilvægi umhverfismildra ökutækja til að draga úr mengun og bæta loftgæði í þeirri von að unnt sé að draga úr hlýnun jarðar. Framlag Hyundai á þessu sviði er rík áhersla á þróun og hönnun ökutækja sem byggja á grænum orkugjöfum. Þeirra á meðal eru hreinu rafbílarnir Ioniq EV og Kona EV auk nýjasta græna bílsins, rafknúna vetnisbílnum Nexo, en bæði Ioniq EV og Nexo verða með í för í ævintýraferðinni til Busan. Allar gerðir þessara bíla eru fáanlegar hjá Hyundai á Íslandi.

Langdrægur faraskjóti

Fararskjótinn Hyundai Kona EV er búinn 204 hestafla rafmótor og 64Kw/h rafhlöðu sem gerir Moon kleift að aka allt að 449 km á hleðslunni, en hemlakerfið  er m.a. hannað til að nýta öll tækifæri til að hlaða aukaorku á rafhlöðuna. Kona hefur afar góða aksturseiginleika, er vel búinn öryggiskerfum til aksturs í umferðinni, leiðsögukerfi og góðu afþreyingarkerfi sem Moon getur nýtt til að stytta sér stundir á akstrinum. Bílnum fylgja mismunandi hleðslutengi, allt eftir aðstæðum í löndunum sem leiðin liggur um.

Heimsækir 20 lönd á leiðinni

Á ferðalaginu ekur Moon um tuttugu lönd; Marokkó, Spán, Gíbraltar, Frakkland, Mónakó, Ítalíu, Sviss, Liechtenstein, Þýskaland, Austurríki, Ungverjaland, Slóveníu, Króatíu, Tékkland, Pólland, Litháen, Lettland, Rússland, Kasakstan og til Kína, þar sem hann á langa ferð fyrir höndum áður en hann kemur að landamærum Kóreu. Þá hefst síðasti leggurinn, ökuferðin suður Kóreuskaga þar til komið er heim til æskuheimkynna Yuna í Busan. Moon stefnir að því að koma þangað eftir tvo mánuði eða um miðjan júlí. Á vegi Moon og félaga verða ólíkir heimshlutar og loftslag frá náttúrunnar hendi, ólíkir menningarheimar, hefðir og saga. Þótt fjarlægðin skilji að Kanarýeyjar og Kóreu eru tengslin þó sterk því fjöldi Kóreumanna fluttist búferlum til Evrópu að lokinni síðari heimsstyrjöld. Margir settust að á Kanaríeyjum og í áranna rás hafa myndast sterk vináttubönd milli landanna.

Fylgstu með

Hægt er að fylgjast með ferðalaginu sem hefst 15. maí á heimasíðu Hyundai á Kanaríeyjum með því að smella HÉR.

Sjá fleiri fréttir