X

Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn
Hyundai einn besti bílaframleiðandinn

Hyundai einn besti bílaframleiðandinn

24

.

June
2019
/
HYUNDAI

Samkvæmt nýrri skýrslu J.D. Power er Hyundai næsta besti almenni bílaframleiðandi heims vegna lágrar bilanatíðni að mati bandaríska greiningarfyrirtækisins og skoraði Santa FE hæst allra í flokki meðalstórra jepplinga.

S-Kórea framleiðir mestu gæðin

Þetta er annað árið í röð sem gæði og lág bilanatíðni Hyundai á Bandaríkjamarkaði eru metin þau næst bestu hjá J.D. Power og fækkaði bilanatilkynningum notenda Hyundai milli ára á sama tíma og skýrslan í ár sýnir að fleiri bílgerðir eru að lakari gæðum núna en í síðustu skýrslu. Nýjasta kynslóð rúmgóða jepplingsins Santa FE skoraði hæst í ár í flokki meðalstórra jepplinga, en einnig gekk öðrum bílgerðum Hyundai vel í skýrslu ársins, þar á meðal Tucson, Elantra, Accent og Veloster sem allir hlutu önnur verðlaun í sínum flokki á Bandaríkjamarkaði auk Kona og Sonata sem hlutu þriðju verðlaun. Þá er Hyundai jafnframt einn þriggja bílaframleiðenda heims sem framleiða mestu gæðin á markaðnum. Hinir eru lúxusbílaframleiðandinn Genesis, sem er dótturfyrirtæki Hyundai, og systurfyrirtækið Kia sem skoraði hæst í ár.

Bestur í tveimur flokkum

Hyundai sem bílaframleiðandi skoraði hæst í tveimur flokkum af átta með fæstar ACEN-bilanatilkynningar frá eigendum varðandi annars vegar afþreyingar-, samskipta- og leiðsagnarkerfi bílanna (Audio, Communication, Entertainment og Navigation) og hins vegar bílsætin. Einnig skoðaði J.D. Power tilkynnt vandamál varðandi hönnun og frágang nýrra bíla og tilkynntu notendur Hyundai fæst slík vandamál í flokki almennra bílaframleiðenda (non-premium brands) í skýrslunni 2019.

Viðamikil skýrsla

Samkvæmt skýrslu J.D. Power Initial Quality Study (IQS) 2019 standa gæði nýrra bíla á Bandaríkjamarkaði í stað frá fyrra ári og er það í fyrsta sinn frá 2014 sem þau bötnuðu ekki. Skýrslan sýnir jafnframt að fleiri nýir bílar eru af lakari gæðum núna en í síðustu skýrslu. Í ár voru skoðaðar tilkynningar frá rúmlega 76 þúsund kaupendum og leigjendum nýrra bíla á undanförnum tólf mánuðum sem skoðaðir að 90 dögum liðnum frá afhendingu. Úrtak skýrslunnar voru bílar skoðaðir á tímabilinu frá febrúar til loka maí. Um var að ræða 32 bílategundir og 191 bílgerð frá 142 verksmiðjum. Hægt er að kynna sér niðurstöður skýrslunnar betur HÉR.

Fulltrúar Hyundai í Ameríku tóku við viðurkenningu J.D. Power.

Sjá fleiri fréttir