X

Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV
Hyundai Motor leiðréttir drægni rafbílsins Hyundai Kona EV

Hyundai Motor leiðréttir drægni rafbílsins Hyundai Kona EV

5

.

December
2018
/
HYUNDAI

Hyundai Motor hefur tilkynnt umboðsaðilum sínum að mistök hafi verið gerð hjá þeim óháða og sjálfstæða aðila sem annaðist framkvæmd opinbers prófs á drægni rafbílsins Hyundai Kona EV þar sem stuðst var við nýja mælistaðalinn WLTP (Worldwide Harmonised Light Vehicle Test Procedure). Mistökin leiddu til rangrar heildarniðurstöðu og þar með samþykktar á rangri uppgefinni drægni sem Hyundai leggur ríka áherslu á að verði leiðrétt.

Allir nýir bílar á Evrópumarkaði undirgangast prófun á uppgefinni drægni í samræmi við nýja alþjóðlega mælistaðalinn WLTP. Prófunin er stöðluð og framkvæmd undir eftirliti yfirvalda af sjálfstæðum prófunaraðilum. Þegar Hyundai Kona EV var prófaður til að sannreyna drægni bílsins var samsetning prófþáttanna ekki rétt. Mistökin fólust í því að bíllinn var prófaður í of langan tíma í umferð í þéttbýli þar sem meðalhraði og orkunotkun er lægri að meðaltali en við aðrar og ólíkar aðstæður sem prófið inniheldur líka. Mistökin gerðu að verkum að heildardrægni bílsins var ofmetin.

Eftir leiðréttingu á útreikningum prófsins er heildardrægni Hyundai Kona EV með 39 kWh rafhlöðu (eru ekki í bílum frá Hyundai á Íslandi) 289 km. Drægni Hyundai Kona EV með 64kWh rafhlöðu eins og þeirri sem er í bílum frá Hyundai á Íslandi er 449 km en ekki 482 km eins og kynnt hefur verið til þessa.

Mistökin uppgötvuðust þegar ósamræmi kom í ljós milli opinberu niðurstöðunnar og þeirra prófana sem Hyundai hefur gert á drægni bílsins. Ljóst er hvar í prófunarferlinu mistökin voru gerð og mun Hyundai fylgja málinu eftir til að fá fullnægjandi skýringar á mistökunum. Af hálfu Hyundai er mikilvægt að uppgefin drægni Hyundai Kona EV, sem samþykkt hefur verið af yfirvöldum, verði leiðrétt. Mistökin snerta enga aðra bílgerð Hyundai.

Hyundai á Íslandi hefur þegar hafið vinnu við að hafa samband við þá viðskiptavini sem fengið hafa afhentan nýjan Hyundai Kona EV og þá sem bíða afhendingar til að upplýsa viðskiptavini sína. Kynningarefni verður þegar í stað leiðrétt til samræmis við fyrirmæli Hyundai Motor.

Sjá fleiri fréttir