X

Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP
Jaguar I-PACE með 5 stjörnur Euro NCAP

Jaguar I-PACE með 5 stjörnur Euro NCAP

18

.

December
2018
/
JAGUAR

Hinn rafknúni fjórhjóladrifni Jaguar I-Pace hefur hlotið fullt hús öryggisstiga, 5 stjörnur, í árekstraprófunum Euro NCAP. Hann er sá tíundi í röð nýrra bíla fyrirtækisins sem hlýtur 1. einkunn fyrir gott alhliða öryggi farþega og vegfarenda.

I-Pace, sem er fyrsti 100% rafknúni bíll Jaguar, hlaut m.a. fyrstu einkunn fyrir öryggi fullorðinna farþega og barna auk 1. einkunnar fyrir aðstoðaröryggiskerfið í bílnum og hliðarvarnir eins og hægt er að kynna sér nánar HÉR á vefsíðu Euro NCAP. Allir Pace-bílar Jaguar eru nú handhafa fyrstu einkunnar fyrir gott öryggi hjá Euro NCAP. Jaguar I-PACE hefur fengið afar góðar viðtökur á alþjóðamörkuðum og þegar hlotið fjölda viðurkenninga, þar á meðal fyrir hönnun, afköst og aksturseiginleika. Nú hefur Euro NCAP staðfest framúrskarandi öryggi þessa fimm manna fjórhjóladrifna fjölskyldubíls.

Nýjungar með I-Pace

I-Pace er með yfirbyggingu úr hástyrktu áli til að draga úr þyngd og innfelldar rafhlöðurnar í botnplötu undirvagnsins tryggir mjög lágan þyngdarpunkt og þar með mikinn stöðugleika í akstri, ekki síst í kröppum og snöggum beygjum. Hátt viðnám álsins gegn höggum veitir jafnframt gott öryggi við umferðaróhapp enda braut ýmislegt í smíði I-Pace blað í bílaiðnaðinum. Þar á meðal er notkun hástyrkts áls í hurðafölsum og dyrastöfum auk notkunar á hitameðhöndluðu styrktu áli á helstu og algengustu álagsstöðum til að auka stífleika bílsins gegn þungum höggum.

Vel búinn og öruggur fjölskyldubíll

Hönnun og öryggiskerfi I-PACE taka ríkt tillit til annarra vegfarenda í umferðinni. Fyrir utan lögun vélarhlífarinnar sem hefur það markmið að draga úr meiðslum þeirra sem lenda á bílnum, ber bíllinn kennsl á gangandi, hjólandi og þá sem eru á mótorhjóli og er búinn sjálfvirkri neyðarhemlun sem virkjast sé hætta á ákeyrslu. Einnig má nefna að I-Pace er með ytra umhverfishljóði til að vekja athygli á nærveru sinni og var búnaðurinn sérstaklega hannaður með hagsmuni blindra í huga og í samstarfi við landssamtök þeirra í Bretlandi. Þá er I-Pace enn fremur búinn hraðanæmum hraðastilli sem tekur tilliti til ökuhraða bíla á undan, stýriaðstoð, blindhornsviðvörun, 360° bílastæðisaðstoð og fleiru sem hægt er að kynna sér á heimasíðu BL.

Kynntu þér málið nánar hjá BL

Kynntu þér Jaguar I-Pace hjá BL við Hestháls með því að smella HÉR.

Sjá fleiri fréttir