X

Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express
Land Rover Discovery er Bíll ársins 2017 að mati Auto Express

Land Rover Discovery er Bíll ársins 2017 að mati Auto Express

29

.

June
2017
/
LAND ROVER

Bíll ársins verður að mati Auto Express að skara fram úr öðrum, m.a. á grundvelli nýsköpunar og koma fram með eitthvað nýtt í sínum flokki og það eru nákvæmlega þessir hlutir sem Land Rover Discovery gerir að mati dómnefndar bílablaðsins sem kaus nýjan Discovery „Bíl ársins 2017“ (Car of the Year 2017) á verðlaunahátíðinni sem fram fór á þriðjudag. Auk þess var Discovery kosinn „Besti lúxusjeppinn í sínum stærðarflokki“ (Best Large Premium SUV). Alls hlutu bílaframleiðendur sem BL hefur umboð fyrir hér á landi 8 verðlaun af 28 sem veitt voru á hátíðinni, Jaguar hlaut tvenn og BMW fern verðlaun.

Þenur mörk þess mögulega

Að mati Auto Express þenur Land Rover Discovery mörk þess mögulega í hönnun lúxusjeppa í þessum gæða- og stærðarflokki. Það gerir framleiðandinn t.d. með enn frekari tækninýjungum, farþegarými sem einnig tekur mið af þörfum gæludýra og auk þess plássi þar sem sjö farþegar komast auðveldlega fyrir á þægilegan hátt. Í niðurstöðu dómnefndar segir að í heild blasi glæsileikinn við og vandaður frágangur ofan í smæstu smáatriði. Með hinum nýja og endurhannaða Land Rover Discovery hafi Jaguar Land Rover auk þess komið fram með lúxusjeppa á verði sem enginn annar framleiðandi keppir við í dag í þessum flokki.

Sterk nærvera

Land Rover hefur einnig brotið blað þegar kemur að útliti nýja jeppans að mati Auto Express. Dómnefndin segir að þótt ásýndin kunni ekki að falla öllum í geð séu það hreinar línur að Discovery veki eftirtekt hvar sem hann fari. Það eigi einnig við um hönnun og frágang í farþegarýminu þar sem miðjustokkurinn gegni einu lykilatriðanna af mörgum.

Mikil þægindi og vellíðan

Dómnefndin fjallaði einnig um vélarnar sem boðnar eru með nýjum Discovery; V6 túrbódísilvélina og þverstæðu tveggja forpjöppu Sd4 bensínvélina sem spanna mikla breidd þegar kemur að mismunandi þörfum. Þannig hafi dísilvélin 100Nm meira tog en fjögurra strokka bensínvélin og henti dísilvélin t.d. vel þeim ökumönnum sem vilja mikla torfæru- og dráttargetu. Samt sem áður segir dómnefndin að allir geti treyst á mikil þægindi og vellíðan á ferðalagi í Discovery þar sem allar útfærslur verðlaunabílsins eru búnar loftpúðafjöðrun.

Sjá fleiri fréttir