X

Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum
Listaverk Land Rover til verndar nashyrningum

Listaverk Land Rover til verndar nashyrningum

22

.

October
2018
/
LAND ROVER

Land Rover hefur um margra ára skeið stutt við bakið á dýraverndarsmtökunum Tusk sem leggja megináherslu á baráttu gegn ólöglegum veiðum í Afríku, ekki síst dýrum í útrýmingarhættu. Nýjasta verkefnið var fjársöfnunarátakið Tusk Rhino Trail í þágu baráttu til verndar nashyrningum sem veiðiþjófar elta uppi og drepa vegna hornanna sem seljast gegn háu verði á svartamörkuðum.

Umhverfisvæn málningaraðferð

Í þágu átaksins hannaði yfirhönnuður Land Rover, Gerry McGovern, sem er margverðlaunaður og virtur alþjóðlegur listamaður, rúmlega eins metra langan krómaðan nashyrning með rauðu horni. Verkið var málað með sömu litatækni og notuð er hjá Jaguar Land Rover sem tryggir einstök gæði, endingu og áferð lakksins á bílum fyrirtækisins. Nashyrningur McGovern er einn sinnar gerðar, sérstaklega hannaður í þágu átaksins, og aflaði Tusk rúmlega 600 þúsunda sterlingspunda í söfnunarfé á uppboði, eða sem nemur um 94 milljónum króna sem varið verður til baráttunnar gegn veiðiþjófnaðinum.

Verkið endurspeglar glæsileika nashyrningsins

Alls tók 21 listamaður þátt í söfnunarátaki Tusk sem lauk á alþjóðlegum degi nashyrningsins 22. september. Í kjölfarið var í London haldin fyrsta alþjóðlega ráðstefnan um ólöglegar veiðar á villtum dýrum í útrýmingarhættu þangað sem fjölmargir alþjóðlegir leiðtogar mættu til að samræma aðgerðir til verdnar villtu dýralífi í Afríku. Spurður um hönnun listaverksins, krómið og rauða hornið segir McGovern: „Mig langaði að fanga glæsileika þessarar einstöku skepnu. Ég ákvað því að nota krómaða liti sem sjást langt að eins og dýrin á sléttum Afríku og varpa um leið ljósi á alvarleika málsins sem veiðarnar hafa á stöðu nashyrningsins þar. Rautt nashyrningshornið endurspeglar síðan fáránleika þess að þetta fallega dýr skuli vera hundelt og drepið fyrir jafn lítinn hluta af heildarstærð þess.“

Rautt hornið

Króm á bílum hefur það hlutverk að kalla fram glæsileika og skapa flottan stíl. Hjá Land Rover hefur verið þróuð ný og umhverfisvæn aðferð til að líkja eftir þeim áhrifum sem krómið framkallar með nýrri málningaraðferð sem kölluð er krómúðun. Nashyrningur McGovern er innblásinn af þeim aðferðum sem dýraverndarfólk notar til verndar nashyrningum fyrir fílaveiðimönnum og táknar rauði litur hornsins alvarleika veiðanna. Fílabein eru jafn eftirsótt og horn nashyrninganna og ef til vill væri nærtæk lausn að mála fílatennur og horn nashyrninganna með litum sem gera þau verðlaus.

Sjá fleiri fréttir