X

Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll
Mini Electric verður hinn fullkomni borgarbíll

Mini Electric verður hinn fullkomni borgarbíll

21

.

May
2019
/
MINI

Þeir sem kynnst hafa þriggja dyra Mini af reynslunni vita hversu einstaklega skemmtilegur akstursbíll hann er, sérstaklega í borgarumferðinni. Þeir sem prófað hafa 100% rafdrifna frumgerð Mini sem BMW Group hyggst hefja framleiðslu á fyrir árslok í tilefni 60 ára afmælissögu Mini á árinu, segja Mini EV einstaklega skemmtilegan borgarbíl. Mini Electric verður kynntur formlega á bílasýningunni í Frankfurt í september. Bíllinn nýtur fjölmargra tæknilausna rafbíladeildar BMW Group og segir Thomas Geiger hjá Auto Express sem prófað hefur frumgerðina að rafbíllinn muni ekki svíkja neinn enda séu öll erfðaefnin til staðar sem geri Mini að Mini.

Þriggja dyra Mini EV

Mini EV er þriggja dyra borgarbíll í ætt við sígildu goðsögnina frá sjöunda áratug síðustu aldar, sem talinn er annar áhrifamesti bíll 20. aldarinnar. Mini EV er framdrifinn eins og sá sígildi, sem uppfært hefur verið til samræmis við nútímakröfur um umhverfismildi. Því er tímamótabíllinn búinn 190 hestafla rafmótor og 33 kW rafhlöðu og hámarkshraðinn um 150 km/klst. Hröðun úr kyrrstöðu í 100 km/klst. er um 7 sekúndur og drægni rafhlöðunnar um 230 km. Það ætti að nægja flestum í borgarumferðinni þar sem Mini EV verður fyrst og fremst ætlaður til notkunar eins og goðsögnin.

Ekta Mini

Thomas Geiger segir Mini EV minna nokkuð á geimskip vegna hljóðsins sem kviknar þegar stutt er á hnappinn til að ræsa rafmótorinn. Að öðru leyti ríki þögnin ein í farþegarýminu. „Það eina sem þú heyrir er hljóðið í dekkjunum,“ segir Geiger og líkir hljóðinu við þau sem þeir heyra sem svífa um loftin blá í svifflugu. Geiger segir akstursupplifunina mjög Minilega, ekki ósvipaða upplifun af Mini Cooper S, sem einnig byggir á goðsögninni frá 1959. Mini EV verður því kraftmikill, snöggur og umfram allt lipur til að henta borgarumferðinni til hins ítrasta. Geiger segir Electric ekta Mini. „Ef þér líkar Mini muntu elska Mini Electric. Ef þér líkar ekki Mini mun þér heldur ekki líka við rafbílinn,“ segir Geiger sem telur Mini EV hinn fullkomna borgarbíl. Mini EV verður kynntur hjá BL 2020. Evrópuútgáfa Mini EV verður framleidd í Bretlandi en einnig er ætlunin að framleiða hann í Kína fyrir þarlendan markað. Mini Electric verður einnig markaðssettur í Bandaríkjunum.

Sjá fleiri fréttir