X

MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL
MS endurnýjar bílaflotann með BL

MS endurnýjar bílaflotann með BL

29

.

May
2018
/
BL Fréttir

Mjólkursamsalan, MS, fékk á dögunum afhenta tíu nýja bíla af tegundinni Renault og Dacia frá BL sem notaðir verða af sölufulltrúum MS. Um er að ræða 9 Renault Captur sem sölufulltrúar fyrirtækisins í Reykjavík fá til afnota í stað eldri Clio-bíla sem keyptir voru fyrir þremur árum, og einn Dacia Duster sem sölufulltrúar hjá MS á Akureyri hafa þegar fengið til afnota.

Níu Renault Captur

Aðalsteinn H. Magnússon, yfirmaður sölu- og markaðssviðs MS, tók nýlega við bílunum fyrir hönd MS þegar Jóhann Berg þorgeirsson, söluráðgjafi hjá fyrirtækjaþjónustu, BL afhenti bílana formlega. Aðalsteinn segir bílum söludeilda MS ekið 25-30 þúsund km á ári, eða alls yfir 250 þúsund enda heimsæki sölufulltrúar reglulega mikinn fjölda viðskiptavina um allt land, þótt álagið sé mest á höfuðborgarsvæðinu. „Renault hefur reynst okkur vel vegna hagkvæms rekstrarkostnaðar, sérstaklega hvað varðar litla eldsneytiseyðslu og mengun. Þegar kom að endurnýjun lá beinast við að skoða hvað Renault hefði að bjóða og þá leist okkur best á Captur, sem er léttur og lipur jepplingur á mjög hagstæðu verði,“ segir Aðalsteinn. Hann segir fjölbreyttari og umhverfisvænni orkulausnir áhersluatriði í umhverfisstefnu MS og því sé fylgst náið með þróun mismunandi orkugjafa þegar kemur að fjárfestingu í nýjum ökutækjum með tilliti til þess hvað henti best hverju sinni.

Dacia Duster til Akureyrar

Ákveðið var að sölufulltrúar á Akureyri fengju heldur stærri bíl og fjórhjóladrifinn og segir Aðalsteinn að þá hafi Dacia Duster orðið fyrir valinu enda reynst sérlega vel við íslenskar aðstæður. Aðalsteinn segir að Dusterinn muni án efa nýtast vel í snjóþyngslunum sem jafnan verða norðan heiða á veturna.

Sjá fleiri fréttir