X

Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL
Nýr og glæsilegur BMW X5 kynntur hjá BL

Nýr og glæsilegur BMW X5 kynntur hjá BL

11

.

January
2019
/
BMW

Laugardaginn 12. janúar milli kl. 12 og 16 kynnir BL við Sævarhöfða nýja útgáfu af fjórhjóladrifna sportjeppanum BMW X5 sem nú er betur búinn en nokkru sinn fyrr af hálfu framleiðandans. Auk nýs útlits og aukins vals um fjölbreyttan búnað býður BMW einnig uppfærðar bensín- og dísilvélar og eru þrjár í boði hjá BL; tvær TwinPower túrbó dísilvélar og ein TwinPower túrbó bensínvél sem allar eru þriggja lítra við átta gíra Steptronic sjálfskiptingu. Vélarnar eru á bilinu frá 265-400 hestöfl og er hröðun X5 frá 0-100 km/klst. á bilinu 5,2 til 6,5 sekúndur efir því hvaða útgáfa bílsins er valin. Nýr BMW X5 kostar frá 11.890 þúsundum króna eins og hægt er að kynna sér nánar og fleira um nýja bílinn á BL.is.

Stærri, hærri og drifmeiri

Hinn nýi BMW X5 er heldur stærri en forverinn og á það við um flest mál og veghæð er örlítið meiri en áður til að auka drifgetu auk þess sem bíllinn er búinn sjálfvirkri spólvörn og í afturöxli er sjálfvirk driflæsing sem lagar sig sjálf að aðstæðum. Þrátt fyrir stærri bíl er nýr X5 um 100 kg léttari eða á bilinu 2132-2350 kg og fer eftir útgáfu og búnaði mismunandi gerða. Þá er eyðsla X5 aðeins frá sex lítrum 100/km að meðaltali (X5 30d xDrive) í samræmi við mælistaðal WLTP. Dráttargetan er allt að 3,5 tonn, sem er sambærileg við getu algengustu pallbíla.

Ytra byrði

Meðal nýjunga í staðalbúnaði X5 að utan má nefna að allur ljósabúnaður bílsins er búinn díóðutækninni hvort sem ræðir um dagsljós eða aðalljós framan og aftan. Þá eru allar rúður skyggðar til varnar sól og hita. Af öðrum búnaði má nefna upphitaða rúðupissstúta, þakboga, glanskrómaða umgjörð á grilli, málmlakk, állista með satínáferð við hliðarglugga, grjóthlífar undir bílnum framan og aftan og upphitaða hliðarspegla með glýjuvörn svo nokkuð sé nefnt. Þá eru framljósin sjálfvirk í myrkri með tilliti til umferðar á móti, hemlaljós eru sjálfvirk og þegar heim er komið loga framljósin á meðan ökumaður og farþegar ganga heim að dyrum.

Farþegarýmið

Í farþegarými X5 eru nú kominn 12,3“ háskerpulitaskjár þar sem meðal annars er að finna leiðsögukerfi fyrir Ísland og hægt er að birta kort í mælaborði án þess að virkja leiðsögukerfið. Hægt er að stýra ýmsum stjórnbúnaði X5 með bendistjórnun og raddstýra („Hey BMW“) síma og afþreyingarkerfinu sem er með Hi-Fi hátalarakerfi með 205 W magnara og 10 hátölurum. Mismunandi USB-tengingar eru við hendina við fram- og aftursæti auk farangursrýmis og hægt er að tengja harðan disk við kerfið. Þá er X5 búinn þráðlausri símahleðslu. X5 er búinn afar vönduðum leðurklæddum sportsætum, framsætin eru rafdrifin og sæti ökumanns er með fjölbreyttum minnisstillingum. Stýrið er rafstillanlegt, hiti er í armpúðum framsæta auk þess sem X5 er vel lýstur. Í því sambandi má nefna góð lesljós, upplýsta sílsalista, ljós í framgólfi, hanskahólfi, miðjustokki og farangursrými og hægt er að velja um mismunandi stemningslýsingu í hurðum, gólfi og miðjustokki. Þá má nefna að hanskahólfið er búið kælingu. Að lokum má nefna að nýr BMW X5 er búinn öllum fremsta forvarnar- og öryggisbúnaði BMW sem eykur öryggi í akstri og hægt er að kynna sér nánar á kynningu BL á laugardaginn 12. janúar milli kl. 12 og 16.

Sjá fleiri fréttir