X

Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight
Ótvírætt öryggi EyeSight

Ótvírætt öryggi EyeSight

23

.

May
2018
/
SUBARU

Subaru vinnur stöðugt að áframhaldandi þróun á öryggiskerfi sínu, EyeSight, og hefur kynnt frekari nýjungar í annarri kynslóð búnaðarins. Allar gerðir Subaru hjá BL eru búnar EyeSight sem hlotið hefur fjölda verðlauna sem eitt besta öryggiskerfi bíla á markaðnum. Blaðamaður Torqnews tók fyrir skemmstu nokkur dæmi af nytsemi EyeSight fyrir ökumann, farþega og gangandi vegfarendur.

 

Sívirk athygli myndavélanna

Í stuttu máli notar EyeSight tvær myndavélar sem skynjar umhverfið og sérstök stjórntölva les úr og bregst við aðstæðum skapist hætta á óhappi. Myndavélarnar eru augu stjórntölvunnar sem þekkir hluti í umhverfinu, þar á meðal umferðarskilti, aðra bíla, gangandi vegfarendur og fólk á reiðhjólum og mótorhjólum svo nokkuð sé nefnt. Kerfið er sívirkt og stjórnar meðal annars sjálfvirka hraðanema bílsins, neyðarhemlunarkerfinu, sveigju- og akreinaskynjaranum og fleiri öryggiskerfum Subaru sem komið geta í veg fyrir árekstra og slys í umferðinni. Þar sem myndavélarnar eru staðsettar efst á innanverðri framrúðunni eru þær óháðar ytri veðuraðstæðum svo sem ísingu og snjó.

 

Þreytandi aðstæður

Víða þekkja ökumenn vel hversu skrykkjóttur ökuhraði bílalesta á miklum umferðaræðum getur verið á álagstímum. Bílarnir eru oft ekki fyrr teknir af stað þegar stöðva þarf á ný áður en lúsast er aftur af stað og svo aftur koll af kolli. Þetta eru þreytandi aðstæður sem að auki geta verið hættulegar þegar ökumenn missa einbeitinguna, fara að gera eitthvað annað og aka aftan á næsta bíl á undan. Við svona aðstæður getur EyeSight komið til hjálpar með því að stilla hraðann með tilliti til hraða næsta bíls á undan, dregið úr mestu skrykkjunum og stöðvað bílinn ef á þarf að halda.

 

Aðstoðarökumaðurinn

Í Subaru með EyeSight ertu eiginlega með ósýnilegan aðstoðarökumann sem bregst við hættulegum aðstæðum í umferðinni. Sem fyrr segir getur kerfið forðað aftanákeyrslu í umferðarteppum, en líka þegar ökumaður næsta bíls snarhægir á sínum bíl og þú bregst of seint við. EyeSight fylgist líka með gangandi og hjólandi vegfarendum, þar á meðal þeim sem eru á leið yfir gangbraut. Aðstæður sem þessar skapast víða oft á dag, sérstaklega þar sem umferðin er mest, og þá lætur EyeSight þig vita. Ef þú bregst ekki við þá gerir EyeSight það. Öryggiskerfið er líka vakandi yfir akreinamerkingum og umferðinni í kring og fylgist með ef þú virðist ætla að fara yfir á akgrein við hliðina þegar ekki má skipta um akrein eða þá að ekki er nægilegt pláss á reininni við hliðina vegna annarra bíla. Þá aðvarar kerfið þið með hljóðmerkjum og getur jafnvel stýrt bílnum til baka til að halda honum áfram á sinni akrein.

 

Óvart sett í framgír?

Ökumenn getur hent að setja bílinn óvart í framgír í stað bakkgírs með þeim afleiðingum að hætta skapast á ákeyrslu og jafnvel slysi. Við aðstæður þegar ekki er ætlast til að þú akir áfram, t.d. í bílastæði þar sem er annað hvort gangstétt eða veggur fyrir framan bílinn getur öryggiskerfið lágmarkað virkni drifrásarinnar þannig að bíllinn fari ekki af stað í þá átt. Að sjálfsögðu er hægt að slökkva á þessu kerfi krefist sérstakar aðstæður þess. Þessa og fleiri kosti EyeSight er hægt að kynna sér nánar á netinu.

 

Meira hér

Sjáðu líka góðar útskýringar Subaru á öryggiskerfinu EyeSight HÉR.

Sjá fleiri fréttir