X

Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni
Renault margfaldar fjárfestingar í rafbílaframleiðslunni

Renault margfaldar fjárfestingar í rafbílaframleiðslunni

18

.

June
2018
/
RENAULT

Öll meginstarfsemi þróunar og framleiðslu rafbíla Renault Group verður efld í Frakklandi þar sem samsteypan hyggst fjárfesta fyrir meira en einn milljarð evra á næstu árum í samræmi við áætlun fyrirtækisins, „Drive The Future“. Að auki hyggst fyrirtækið efla kynningu á rafbílum með opnun sérstakra sýningar- og fræðslusala (Renault Electric Vehicle Experience Centre) í borgum víða í Evrópu. Nú þegar hafa slíkir salir verið opnaðir í Stokkhólmi og Berlín.

Afköstin aukin

Fjórar verksmiðjur Renault Group gegna meginhlutverki í áætlunum Renault. Þannig verður nýr undirvagn fyrir samsteypuna, þar með talið Nissan og Mitsubishi, þróaður og framleiddur í verksmiðju fyrirtækisins í Douai. Í Flins verður framleiðslugetan á ZOE tvöfölduð frá því sem nú er, í Cleon verður framleiðsla rafmótora þrefölduð og ný kynslóð mótors þróuð og kynnt á næstunni. Þá verður ennfremur fjárfest umtalsvert í Maubeuge  þar sem ný kynslóð Kangoos-sendibílsins verður þróuð og framleidd, þar á meðal rafknúna útgáfa bílsins, mest selda rafknúna sendibíl Evrópu.

Fimm þúsund ný störf

Að sögn Carlos Ghosn, stjórnarformanns og forstjóra Renault er áætlunin í samræmi við markmið fyrirtækisins að styðja dyggilega við bakið á iðnaðarframleiðslu Frakklands og tryggja áfram samkeppnishæfni og forskot Renault og samsteypunnar í heild á rafbílamarkaði þar sem vöxtur er stöðugur og vaxandi. Renault gerir ráð fyrir að ráða fimm þúsund nýja starfsmenn á árabilinu 2017-2019 og verja um 235 milljónum evra til starfsþjálfunar á sama tíma.

Mikil söluaukning

Sala Renault á rafbílum jókst um 38% í Evrópu á síðasta ári þar sem sala á ZOE jókst um 44%. Markaðshlutdeild ZOE á evrópskum rafbílamarkaði er um 24% um þessar mundir og hefur hann verið mest seldi rabíll Evrópu undanfarin fjögur ár. Að jafnaði er fimmti hver seldur rafbíll í Evrópu frá Renault.

Fræða almenning

Sýningar- og fræðslusalur um rafbíla og eiginleika þeirra var opnaður í vikunni í Berlín, en sambærilegur salur opnaði í febrúar í Stokkhólmi. Hlutverk salanna er að fræða almenning um rafbíla, framleiðslu þeirra og kosti sem samgöngutækis ásamt því sem mismunandi hleðslustöðvum gerð ítarleg skil í kynningarstarfinu. Að sjálfsögðu eru svo reynsluakstursbílar til taks á staðnum sem áhugasamir gestir geta prófað í bíltúr um nágrennið.

 
 

Sjá fleiri fréttir