X

Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni
Sífellt fleiri taka ástfóstri við hina hljóðlátu og mengunarlausu samgöngutækni

Sífellt fleiri taka ástfóstri við hina hljóðlátu og mengunarlausu samgöngutækni

27

.

February
2019
/
RENAULT

Í vikunni náði tala seldra rafbíla frá Renault tvö hundruð þúsund eintaka markinu á Evrópumarkaði. Þar af er helmingur fjöldans á götum heimalandsins, Frakklandi, þar sem bíleigendur hafa tekið miklu ástfóstri við hina hljóðlátu og mengunarlausu samgöngutækni.

36% vöxtur

Samkvæmt fréttum frá Renault er nærri einn af hverjum bíl sem seldur er í Evrópu rafbíll frá Renault sem framleitt hefur rafbíla fyrir almennan markað frá 2011. Á síðasta ári jókst rafbílasala fyrirtækisins í Evrópu um 36% og var Frakkland stærsti einstaki markaðurinn með tæp 57% sölu á rafknúnum fólksbílum og litlum sendibílum.

Rafbílar við hvers manns hæfi

Gilles Normand, einn af yfirmönnum á rafbílasviði Renault Group, segir tímamótin stóran áfanga fyrir fyrirtækið og til vitnis um dyggan stuðning við umhverfisstefnu Renault sem leggur ríka áherslu á framleiðslu grænna bíla. „Það hefur verið markviss stefna okkar sl. 10 ár að bjóða öllum kost á rafbíl á viðráðanlegu verði þannig að þeir henti öllum þjóðfélagshópum. Áætlanir okkar gera ráð fyrir að árið 2022 verði átta mismunandi rafbílar í boði frá Renault Group sem standi undir að minnsta kosti 10 prósentum heildarsölu móðurfyrirtækisins,“ segir Normand.

ZOE og Kangoo

Renault er nú með fjóra rafbíla á markaðnum; fólksbílinn ZOE, sendibílana Kangoo Z.E. og Master Z.E. auk litla og lipra borgarsmábílsins Twizy sem minnir um margt á yfirbyggt fjórhjól. Rafbílar verða sífellt langdrægari og öflugri og ár frá ári styttist sá tími sem tekur að hlaða rafhlöðuna. Hjá Renault eru ZOE og Kangoo Z.E söluhæstu rafbílarnir enda velja sífellt fleiri græna kostinn, þar á meðal atvinnurekendur og einyrkjar. Má sem dæmi nefna að 51,5% rafknúinna lítilla sendibíla á Evrópumarkaði er af tegundinni Kangoo Z.E. Renault hefur ákveðið að fjáfesta um einum milljarði evra í Frakklandi á næstu misserum til að auka rafbílaframleiðslu fyrirtækisins, m.a. með tvöföldun á framleiðslu á ZOE.

Hvers vegna ZOE er helsti senuþjófur Evrópu um þessar mundir

Sjá fleiri fréttir