X

Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl
Stöðugt fleiri Evrópubúar velja Hyundai við kaup á nýjum bíl

Stöðugt fleiri Evrópubúar velja Hyundai við kaup á nýjum bíl

18

.

October
2018
/
HYUNDAI

Fólksbílasala Hyundai á Evrópumarkaði fer stöðugt vaxandi ár frá ári og hefur gert mörg undanfarin ár. Salan hefur þó aldrei verið meiri en það sem af er þessu ári, eða 7% meiri sé litið til fyrstu níu mánaðanna borið saman við sama tímabili 2017 samkvæmt skráningartölum Samtaka evrópskra bílaframleiðenda, ACEA. Alls seldi Hyundai 425.854 bíla frá 1. janúar til 30. september og jókst markaðshlutdeild fyrirtækisins í 4,2% í Evrópu. Árangurinn þakkar Hyundai einkum hnökralausri framleiðslu og sölu þrátt fyrir sífellt strangari mengunarkröfur samfara upptöku nýja mengunarmælistaðalsins WLTP sem valdið hefur sumum öðrum evrópskum framleiðendum erfiðleikum. Að þessu leyti hefur Hyundai ákveðna því engar hindranir hafa verið settar á framleiðsluna af hálfu yfirvalda.

Tucson vinsælastur

Á síðustu 24 mánuðum hefur Hyundai uppfært 90% bílgerða sinna á Evrópumarkaði. Nýjasta gerðin, borgarsportjepplingurinn Kona, hefur þegar selst í um 60 þúsundum eintaka frá lokum síðasta árs þegar hann kom á markað. Hann er nú fimmti mest seldi bíll Hyundai. Gera má ráð fyrir að bíllinn styrki stöðu sína enn frekar með nýrri dísilvél sem nýlega var kynnt og ekki síður þegar sala hefst á rafbílnum Kona fyrir árslok. Fólksbílagerðirnar Hyundai i10, i20 og i30 halda áfram sinni sterku stöðu og sportjeppinn Tucson er sem fyrr mest seldi bíll Hyundai í Evrópu. Tucson var nýlega kynntur í breyttri og tæknivæddari útgáfu hjá Hyundai á Íslandi.

Mesta valið um græna bíla

Sem stendur geta viðskiptavinir Hyundai valið um þrjár gerðir umhverfismildra bíla úr flóru fyrirtækisins; IONIQ, sem boðinn er í tengiltvinnútgáfu, sem tvinnbíll og sem hreinn rafbíll. Innan fárra vikna kemur 100%rafdrifinn Kona á markað og í kjölfarið rafknúni vetnisbíllinn Nexo. Mun þá enginn bílaframleiðandi bjóða meira úrval umhverfismildra bíla en Hyundai.

Hyundai í Evrópu

Hyundai Motor Europe seldi alls 523.258 bíla í Evrópu á síðasta ári, 3,5% fleiri en 2016 og hefur markaðsstaða fyrirtækisins aldrei verið jafn sterk. Um 75% allra bílgerða Hyundai á Evrópumarkaði eru hannaðar, þróaðar, reyndar og framleiddar í Evrópu í samræmi við þarfir og smekk Evrópubúa. Fyrirtækið starfrækir tvær bílaverksmiðjur í álfunni, aðra í Tékklandi og hina í Tyrklandi sem samtals geta framleitt 600 þúsund bíla á ári. Bílarnir eru seldir hjá 2500 söluaðilum Hyundai í 31 Evrópulandi.

Hyundai Motor

Á heimsvísu selur móðurfyrirtækið, Hyundai Motor sem stofnað var 1967, um 4,5 milljónir bíla á ári í meira en 200 löndum. Rúmlega 110 þúsund manns um allan heim hafa atvinnu af starfsemi fyrirtækisins. Hyundai er á meðal 40 verðmætustu fyrirtækja heims óháð atvinnugrein samkvæmt greiningu Interbrand og hefur verðmæti þess vaxið um þrjú prósentustig frá síðasta ári eða í 13,5 milljarða Bandaríkjadala. Hyundai er í dag sjötti verðmætasti bílaframleiðandi heims.

Næstu nýjungar Hyundai á Íslandi

Hyundai á Íslandi kynnir á næstu vikum tvo nýja bíla; borgarsportjepplinginn KONA í 100% rafdrifinni útfærslu og fljótlega í kjölfarið NEXO sem er önnur kynslóð 100% rafknúins vetnisbíls. Hér að neðan eru tvö myndbönd til kynningar á bílunum KONA og NEXO.

KONA

NEXO

Sjá fleiri fréttir