X

Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika
Upplifun af BMW X5 líkist mörkum draums og veruleika

Upplifun af BMW X5 líkist mörkum draums og veruleika

26

.

June
2019
/
BMW

Þóroddur Bjarnason, blaðamaður á Morgunblaðinu tók ásamt ljósmyndara blaðsins, Kristni Magnússyni, nýjan sportjeppa af gerðinni BMW X5, til kostanna, en bílinn fengu þeir til afnota og kynningar hjá BL einn blíðviðrisdaginn um miðjan júní. BMW kynnti X5 fyrst fyrir tuttugu árum, nánar tiltekið 1999, og var bíllinn fyrsti fjórhjóladrifni sportjeppi framleiðandans, fáanlegur frá upphafi beinskiptur eða sjálfskiptur. Reynsluakstursbíllinn er af fjórðu kynslóð X5, og útgáfan: fjórhjóladrifinn BMW X5M50d xDrive með þriggja lítra 6 strokka og 400 hestafla dísilvél við átta þrepa sjálfskiptingu. Vélin togar allt að 760 Nm enda einungis rúmar 5 sekúndur úr kyrrstöðu í 100 km/klst. og er hámarkshraðinn allt að 250 km/klst. X5 gerðin hefur löngum verið stærsti og rýmismesti jeppinn í X-fjölskyldunni, eða allt þar til fyrir fáeinum vikum þegar nýr stóri bróðir bættist í hópinn; BMW X7 sem nú vermir titilinn og er einnig til sýnis hjá BL við Sævarhöfða.

Einn sá flottasti í flotanum

Að mati blaðamanns Morgunblaðsins er hinn nýi X5 einn flottasti bíllinn í flota framleiðandans og segir hann að ekki skemmi það þegar vel völdum aukabúnaði hafi verið bætt við eins og raunin sé með reynsluakstursbíl BL. „Þar má nefna rafdrifið dráttarbeisli, sem skýst undan bílnum þegar ýtt er á takka í skottinu, glæsilegt „panorama“-glerþak með 15 þúsund LED ljósapunktum, Harman Kardon hljóðkerfi og loftpúðafjöðrun. Af þessari upptalningu má sjá að það væsti ekki um blaðamann og farþega hans, á meðan á akstrinum stóð,“ skrifar blaðamaður í umfjöllun sinni og segir að varla sé lengur hægt að tala um jeppling lengur. „Tilfinningin sem ökumaður fær þegar hann nálgast bílinn er eiginlega sú að hér sé á ferðinni „veglegur bíll“, ríkulegur og massífur í allri holningu sinni. Hann situr vel á veginum, bæði í beygjum og þegar hann er kominn vel á annað hundraðið. Það er afar góð tilfinning að gefa honum vel inn og finna 265 hestafla díselvélina og átta þrepa sjálfskiptinguna vinna. Hann rennur ljúft en ákveðið eftir veginum upp í þann hraða sem maður kýs að koma honum á.“

Rúmgóður ferðabíll

Nýjasta kynslóð X5 er örlítið lengri og breiðari en fyrri kynslóð eins og raunin er gjarnan á þróunarferli bílgerða eftir því sem árin líða og jafnan gleður eigendur sem taka ástfóstri við vissa bíla og gerðir. „Allt þetta skilar sér í góðri upplifun þegar setið er í leðurklæddum og rafstillanlegum sætum bílsins, og rúmt er um ökumann og farþega, bæði frammí og afturí. Í ferðunum upp á Akranes fékk golfsettið að fljóta með, en það var engum vandkvæðum bundið að skutla því í veglegt 650 lítra skottið. Afar handhægt er líka að grípa í takka í skottinu og láta aftursætin falla flöt niður, og stækka þannig geymsluplássið svo um munar. Á sólríkum sumarkvöldum hér á Íslandi eru lítil not fyrir leysigeisla-framljósin, en í myrkri lýsa þau 600 metra fram á veginn. Grillið á BMW sportjeppunum er mjög áberandi. Sjálfur er ég ekkert sérstaklega hrifinn af útliti þess, en það er þó óneitanlega stór hluti af persónueinkennum bílsins,“ skrifar blaðamaður og á þar við eitt meginstíleinkenni BMW; hið fræga nýrnagrill.

Glæsileiki í fyrirrúmi

Eins og fram kemur í umfjöllun Morgunblaðsins er vandað vel til við verka í farþegarýminu og myndir sem fylgja umfjölluninni bera með sér. Plássið er gott fyrir alla farþega og drykkjarmál og annað sem fylgir með á ferðalögunum eiga sinn vísa stað í innréttingunni. Ekki skortir heldur á tækni X5 sem m.a. er búinn fullkomnu myndavélarkerfi, þráðlausri símahleðslu, nokkrum USB-innstungum, fyrsta flokks upplýsinga- og afþreyingarkerfi ásamt öðru sem styður við þægindi farþeganna eins og hægt er að kynna sér nánar í VERÐLISTA á vefsíðu X5 hjá BL, þar sem m.a. er að finna yfirlit um staðalbúnað og fáanlegan aukabúnað. Umfjöllun Morgunblaðsins um X5 frá því 18. júní má nálgast HÉR.


Í Bílablaði Morgunblaðsins 18. júní var fjallað um nýjan BMW X5M50d xDrive.

Sjá fleiri fréttir