Lækkað verð á nýjum BMW X3
BMW hefur veitt BL, umboðsaðila BMW á Íslandi, stuðning til að lækka verðið á nýjustu kynslóð BMW X3 – vinsælasta sportjeppa BMW frá upphafi. Lækkunin nemur um 700–900 þúsund krónum eftir útfærslum.
Ný verð:
- X3 30e: úr 12.690.000 kr. í 11.990.000 kr. (-700.000 kr.)
- X3 30e M Sport: úr 13.890.000 kr. í 12.990.000 kr. (-900.000 kr.)
Endurhannaður að innan og utan.
Nýr X3 er ekki aðeins hagstæðari í verði – hann fær einnig uppfærða aflrás og breytta hönnun að utan sem innan. Bensínvélin hefur verið endurbætt og, í samspili við rafmótorinn, skilar nýr X3 tæplega 300 hestöflum og nær 0–100 km/klst. á um 6,2 sekúndum.
Nýtt ytra byrði
Endurhannað nýrnagrill með útlínuljósum og tvöfaldri ljósamerkingu að framan setur svip sinn á bílinn. Hliðarútlitið hefur fengið ferskari ásýnd, stuðarar eru nýhannaðir og rafdrifinn afturhleri ásamt endurhönnuðum afturljósum fullkomna heildarmyndina.
Nútímalegt innanrými
Að innan er stór bogadreginn skjár fyrir mælaborð og afþreyingu, ný sætishönnun úr vönduðum, endurnýtanlegum efnum og uppfærð stjórntæki á láréttum miðjustokki. Fótarými og geymslurými hafa aukist og boðið er upp á fjölbreytta stemningslýsingu í farþegarýminu.
Snjallari tækni
Stjórntölvan skilur fleiri raddskipanir en áður og aðgangur að öppum og streymisþjónustum er bættur. Með My BMW appinu er hægt að fylgjast með stöðu bílsins, hafa umsjón með hleðslu hans, bóka þjónustu, og jafnvel láta bílinn blikka eða flauta til að finna hann á stóru bílastæði.
Komdu og prófaðu
Lækkunin tekur gildi nú þegar. Áhugasamir eru velkomnir í sýningarsal BL við Sævarhöfða til að skoða og fara í reynsluakstur – og kynnast af eigin raun hvers vegna BMW X3 hefur verið vinsælasti sportjeppi BMW frá upphafi.