BL kolefnisbindur
notkun nýrra bíla

BL hefur gengið til samstarfs við samfélagssjóðinn Kolvið til að kolefnisbinda notkun allra nýrra bíla sem fyrirtækið selur einstaklingum á árinu 2020. BL felur Kolviði að kolefnisbinda 1.400 tonn á árinu með gróðursetningu 14.000 trjáplantna.

Samstarf BL og Kolviðar

Samkomulagið kveður á um bindingu fjórtán hundruð tonna af kolefnum (CO2), sem svarar til áætlaðrar meðaltalslosunar allra nýrra bíla sem BL gerir ráð fyrir að fyrirtækið selji einstaklingum á árinu 2020
Miðað er við meðaltalskolefnislosun nýrra bíla sem BL hefur umboð fyrir og 15.000 km. meðaltalsakstur yfir tólf mánaða tímabil. (uppgefnar tölur frá Samgöngustofu um meðal aksturs á ári fyrir fólksbíla eru um 13.000km).
Nánar um Kolvið

BL hefur náð góðum árangri í lækkun kolefnisútblásturs

Árið 2009 var sett löggjöf í löndum ESB sem hafði það markmið að draga úr kolefnislosun nýrra bíla. Fyrsta markmiðið sem sett var var að kolefnislosun nýrra bíla árið 2015 yrði að meðaltali 130 gr af CO2 á km. Síðan hefur annað markmið verið sett í sama skyni og innleitt verður á árinu 2020 með gildistöku 2021 og felur í sér að meðalkolefnislosun nýrra bíla verði ekki meiri en 95 gr á km.
Með auknu hlutfalli raf- og tengitvinnbíla í sölu til einstaklinga hefur BL náð að uppfylla þessi markmið um heildarlosun flotans og gott betur. Niðurstaða BL fyrir árið 2019 er sú að heildar CO2 útblástur nýrra bíla til einsaklinga er að meðaltali 90 gr af CO2 á km eða 12 gr undir markmiðum ESB eins og sjá má á línuritinu hér til hliðar.
Nánar um Reglugerð

Aukin sala BL á raf- og tengitvinnbílum skiptir sköpum

Aukið hlutfall í sölu raf- og tengitvinnbíla til einstaklinga af heildarsölu BL hefur skipt sköpum í lækkun kolefnisútblásturs. Munar þar mestu um sölu 100% rafdrifinna bíla sem voru um 30% af sölunni 2019. Sala BL á raf- og tengitvinnbílum til einstaklinga nam á árinu 2019 um 38% af heildarsölunni. Áætlanir gera ráð fyrir að hlutfallið fari yfir 50% á árinu 2020.
Sjáðu úrval vistvæna bíla

Ráð til að draga úr kolefnisútblæstri

Þú getur dregið úr losun kolefna á hverjum degi með því að huga að aksturslagi þínu. Rannsóknir sýna að hægt er að draga úr kolefnislosun bíla um allt að 30% með því einu að breyta akstursvenjum sínum. Með því að fylgja neðangreindum ráðum gætir þú minnkað kolefnissporið um allt að einu tonni á ári

  • Að sjá fyrir

    Best er að taka rólega af stað og koma bílnum í háan gír sem fyrst. Jafn og mjúkur akstur með góðu flæði lágmarkar útblástur.

  • LOFTÞRÝSTINGUR

    Of lítill loftþrýstingur eykur viðnám og getur aukið eldsneytiseyðsluna.

  • Viðhald

    Vanstillt vél getur notað allt að 50% meira eldsneyti og mengað í samræmi við það.