X

BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða
BL kynnti úrval sportjeppanna við Sævarhöfða

BL kynnti úrval sportjeppanna við Sævarhöfða

1

.

February
2019
/
RENAULT

BL við Sævarhöfða kynnti laugardaginn 2. febrúar landsins mesta úrval af nýjum fjórhóladrifnum bílum frá Nissan, Renault, Subaru og Dacia. Aðaláhersla var á sportjepplingana Nissan Qashqai, Subaru XV, Dacia Duster, Renault Koleos og síðast en ekki síst Kadjar sem frumsýndur var í breyttri útgáfu. Að sjálfsögðu var kastljósið einnig á Nissan Navara, X-Trail og Juke, Subaru Outback og Forester, Isuzu D-Max og flóru fjórhjóladrifnu bílanna hjá BMW.

Nýr Kadjar við réttar aðstæður

Sportjeppinn Renault Kadjar hefur notið mikilla vinsælda frá því að hann kom á markað 2015. Ný og uppfærð útgáfa bílsins er komin á markað, þar sem allir helstu kostir sportjeppans hafa verið dregnir enn betur fram. Meðal annars er grillið stærra en áður auk þess sem fleiri atriði vekja sterkari nærveru, svo sem meira króm, uggalaga loftnet, nýjar og stærri felgur og fleira. Við hönnun nýs Kadjar var aukin áhersla lögð á díóðuljósatæknina sem notar sex sinnum minni orku en halogenljósin. Ljósin, sem eru með sjálfvirka skiptingu milli háa og lága geislans, skipa auk þess mikilvægt hlutverk í útlitshönnuninni og eru til vitnis um fjölbreytta getu hans og háþróaða tækni.

Nýjungar í farþegarýminu

Í farþegarými Kadjar gefur að líta nýja innréttingu með nýjum efnum og fleiri litum sem boðnir eru með ákveðnum gerðum eða eftir sérpöntunum. Sætin eru ný og hafa fleiri þægindastillingar. Auk þess er kominn stærri, skýrari og næmari innbyggður 7“ fjölnotasnertiskjár í miðju mælaborðsins sem styður við R-LINK 2 kerfið þangað sem kalla má fram leiðsögukerfi, vinsælustu öppin, tónlistina, handfrjálsan símbúnað og fleira. Við aftursætin eru m.a. tvær USB-innstungur. Loftræsting hefur verið bætt með auknu hringflæði í tveggja svæða tölvustýrðu loftkælingunni og ný hönnun er á innra byrði hurða, m.a. með baklýsingu í tökkum. Kadjar er með eitt stærsta farangursrýmið í sínum flokki eða allt að 527 lítra eftir því hvernig rýmið er nýtt með niðurfellingu sætisbaka. Auka má rýmið enn meira með niðurfellingu farþegasætisins fremst í bílnum þegar flytja þarf hluti sem eru lengri en 2,5 metrar. Auk þessa er Kadjar búinn lykillausu aðgengi, regnskynjara á rúðuþurrkum og fjarlægðarvara svo nokkuð sé neft.

Ný 1300 cc vél

Dísil- og bensínvélar Kadjar eyða enn minna eldsneyti en áður og hafa þó fáir vélaframleiðendur náð jafn miklum árangri í hámörkun eldsneytinýtni og Renault. Með framdrifnum Kadjar er nú hægt að velja uppfærða 1300 cc Tce GPF 140 hestafla bensínvél við beinskiptingu sem einnig er hægt að velja í 160 hestafla útfærslu við sjálfskiptingu. Fjórhjóladrifinn beinskiptur Kadjar með nýju 1300 cc vélinni verður í boði síðar á þessu ári. Auk 1300 cc vélarinnar er framdrifinn Kadjar boðinn með 110 hestafla 1500 cc dísilvél þar sem velja má um beinskiptingu eða sjálfskiptingu og loks fjórhjóladrifinn Kadjar með 1600 cc dísilvél.

Kadjar 4x4

Fjórhjóladrifinn Kadjar er búinn 130 hestafla 1600 cc dísilvél sem hefur þrjár akstursstillingar: 2WD til að aka í framdrif til að halda eldsneytiseyðslu í lágmarki við venjulegar vegaðstæður, hvort sem er í þéttbýli eða langkeyrslu. Auto stillingin dreifir átaki vélarinnar á mismunandi vegu milli fram- og afturhjólanna allt eftir vegaðstæðum og geta allt að 50% togsins farið til afturhjólanna. Sé stillt á Lock læsist millikassinn í Kadjar sem tryggir að dreifing vélaraflsins sé ávallt 50/50 milli fram- og afturhjóla. Þessi stilling er notuð á torfærum vegum og ekki má aka hraðar en 40 km/klst.

Sjá fleiri fréttir