X

BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári
BMW Group afhenti yfir 140 þúsund bíla með rafmótor á síðasta ári

BMW Group afhenti yfir 140 þúsund bíla með rafmótor á síðasta ári

15

.

January
2019
/
BMW

Á síðasta ári afhentu umboðsaðilar BMW og Mini um allan heim 142.617 hreina raf- og tengiltvinnbíla, 38,4% fleiri en 2017. Samstæðan áætlar að í lok þessa árs verði bílar með rafmótor frá fyrirtækinu að minnsta kosti hálf milljón talsins í umferðinni, en BMW er í fremstu röð framleiðenda rafvæddra bíla í lúxusflokki.

Hröð aukning

Allt frá árinu 2013 þegar BMW kynnti fyrst rafbílinn i3 hefur framleiðsla raf- og tengiltvinnbíla fyrirtækisins vaxið jafnt og þétt og segir Harald Krüger, stjórnarformaður BMW AG, að þróunin sé í samræmi við val og væntingar viðskiptavina. „Í þeim löndum þar sem lagaumhverfi og þróun nauðsynlegra innviða í þágu rafbíla er lengst á veg komin sjáum við gríðarlega söluaukningu og hve hratt rafbílar geta orðið aðalviðmiðun fólks þegar kemur að bílakaupum. Ég er því sannfærður um að fjöldi rafvæddra bíla BMW og Mini verði orðinn um hálf milljón fyrir árslok og að salan aukist svo enn frekar þegar við kynnum nýjar kynslóðir sambærilegra bíla.“

Leiðandi á lúxusmarkaði

Evrópa er mikilvægasti markaður BMW Group fyrir sölu rafbíla og tengiltvinnbíla enda nam hlutfall sölunnar þar á slíkum bílum rúmum 50% af heildarsölunni 2018 þegar meira en 75 þúsund slíkir bílar voru afhentir. Sala rafbíla og tengiltvinnbíla skilaði fyrirtækinu um 16% markaðshlutdeild í Evrópu 2018 og á heimsvísu um 9% hlutdeild. Helsti einstaki markaður BMW Group fyrir sölu bíla í þessum flokki er þó Bandaríkin þar sem seldir voru 25 þúsund raf- og tengiltvinnbílar á síðasta ári, bæði BMW og Mini. Hlutfall þeirra af heildarsölu fyrirtækisins þar í landi nam um 7% og var BMW 530e t.d. söluhæsti lúxustengiltvinnbíllinn í Bandaríkjunum 2018. Á heimsvísu nam hlutfall raf- og tengiltvinnbíla í heildarsölu BMW Group um 6% á síðasta ári en hún var um 2% árið 2017.

Ýmislegt í deiglunni

BMW Group gerði á síðasta ári samning við kínverkst fyrirtæki um samstarf í framleiðslu á MINI-rafbíl. Kína er það land í heiminum þar sem sala rafbíla vex hraðast og á síðasta ári var hulunni svipt af BMW iX3 á bílasýningunni í Peking. Fjórhjóladrifni sportjeppinn X3 er fyrsta meginbílgerð BMW sem hægt verður að fá sem hreinan rafbíl og fer hann fyrst á markað í Kína þar sem hann verður jafnframt framleiddur og dreift þaðan á aðra markaði heims. Bíllinn er væntanlegur í sölu 2020. Þá hefur BMW jafnframt tilkynnt að framleiðsla á BMW i4 hefjist 2021.

Drifrás BMW i3 í smástrætó Karsan

BMW vinnur að frekari þróun drifrásar lúxusrafbílsins i3 sem hefur tvöfaldast í drægni frá 2013 þegar bíllinn kom á markað. Báðar gerðir bílsins, i3 og i3s hafa um 260 km drægni og hefur eftirspurn bílkaupenda eftir i3 vaxið jafnt og þétt með árunum og var t.d. 11% meiri á síðasta ári en 2017. Þau tímamót verða á næstunni að drifrás og rafhlaða i3 verða notuð í nýjan smástrætó frá Karsan sem sérstaklega er ætlaður til aksturs í miðborgum. Ákvörðunin kom til í kjölfar farsæls samstarfs BMW og Streetscooter, dótturfyrirtækis Deutsche Post sem nýtir létt vélhjól með raftækni BMW til póstburðardreifingar með góðum árangri.

Sjá fleiri fréttir