X

Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung
Hyundai allra frumlegasti framleiðandinn að mati Auto Zeitung

Hyundai allra frumlegasti framleiðandinn að mati Auto Zeitung

5

.

December
2018
/
HYUNDAI

Að mati ritstjóranna á þýska bílablaðinu Auto Zeitung er Hyundi Motor „frumlegasti bílaframleiðandinn“ og veita honum aðalverðlaun sín í ár sem handhafa verðlaunanna „Auto Trophy 2018“. Þetta kemur fram í nýjasta tölublaðinu sem kom út í lok nóvember.

Mismunandi orkugjafar

Með verðlaunum heiðrar Auto Zeiting Hyundai fyrir forystu sína á tæknisviði og það val sem fyrirtækið býður neytendum um mismunandi orkugjafa þegar þeir velja nýjan Hyundai: tvinnbíla, tengiltvinnbíla, hreina rafbíla eða rafknúna vetnisbíla.

iX35 og IONIQ brutu blað

Með Ioniq var Hyundai fyrstur bílaframleiðenda til að bjóða fólksbíl þar sem kaupendur gátu valið um þrjár mismunandi útfærslur þegar kom að orkugjafa í nýja bílnum enda er Ioniq boðinn sem tvinnbíll, tengiltvinnbíll eða sem hreinn rafbíll. Annar fólksbíll er borgarjepplingurinn Kona. Með kaupum á honum geta neytendur valið bílinn með dísilvél, bensínvél eða rafmótor. Og nú, innan fárra vikna kemur Nexo, önnur kynslóð rafknúins vetnisbíls sem tekur við kyndlinum af iX35 sem var árið 2013 fyrsti rafknúni vetnisbíllinn á almennum markaði.

Verðlaunin endurspegla metnaðinn

Verðlaunin undirstrika mikinn metnað Hyundai til að vera leiðandi framleiðandi í grænni þróun í samgöngum almennings. Að mati Andreas-Christoph Hofmann, aðstoðarframkvæmdastjóra markaðs- og vörumála í höfuðstöðvum Hyundai Motor er fyrirtækið nú þegar leiðandi aðili á þessu sviði og sá eini enn sem komið er sem býður viðskiptavinum sínum val um mismunandi orkugjafa á tilteknum bílum. „Verðlaunin nú eru einnig til vitnis um þann metnað sem rekstraráætlun okkar fyrir tímabilið 2016 til 2025 ber vitni um. Í henni kemur m.a. fram að á tímabilinu munum við kynna 18 nýja græna bíla, þar á meðal 8 tvinnbíla, 4 tengiltvinnbíla, 5 rafbíla og 1 rafknúinn vetnisbíl,“ segir Hofmann og vísar síðast í Nexo sem er nýkominn á markað.

Leiðandi í þróun vetnistækninnar

Hyundai hefur rannsakað vetnistækni fyrir bíla frá árinu 1998 og hefur verið leiðandi aðili á því sviði allar götur síðan. Árið 2013 setti Hyundai rafknúna vetnisbílinn iX35 á almennan markað og var hann sá fyrsti sinnar tegundar. Á þessu ári kom önnur kynslóð tækninnar á markað með jepplingnum Nexo sem Hyundai í Garðabæ mun kynna fljótlega eftir áramót. Nexo er með um 670 km drægni á vetnistankinum sem gerir kleift að aka frá Reykjavík til Egilsstaða svo dæmi sé tekið og má geta þess að Skeljungur undirbýr uppsetningu vetnisstöðva á helstu þéttbýlisstöðum á landsbyggðinni auk þeirra sem þegar hafa verið teknar í notkun á höfuðborgarassvæðinu.

Rarknúinn vetnisvöruflutningabíll

Hyundai kynnti í október að á næsta ári komi á markað átján tonna vetnisknúinn vöruflutningabíll með rafmótor. Upphafið verður í Sviss þegar fyrirtækið H2 Energy fær afhenta fyrstu bílana af 1.000 sem fyrirtækið mun taka í notkun á næstu fimm árum til að kynna og knýja á um mengunarlausan flutningsmáta í samræmi við áætlanir yfirvalda í Evrópulöndum.

Sjá fleiri fréttir