X

Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022
Sala samstæðu Renault-Nissan-Mitsubishi verði orðin um 14 milljónir bíla í árslok 2022

Sala samstæðu Renault-Nissan-Mitsubishi verði orðin um 14 milljónir bíla í árslok 2022

30

.

January
2018
/
BL Fréttir

Á síðasta ári seldi fyrirtækjasamstæða Renault, Nissan og Mitsubishi 10.608.366 bíla, 6,5% fleiri en 2016 og skýrist aukningin aðallega af vaxandi eftirspurn eftir jepplingum, litlum sendibílum og hreinum rafbílum að því er fram kemur í tilkynningu samstæðunnar. Carlos Ghosn, forstjóri og stjórnarformaður Renault-Nissan-Mitsubishi, segir að heildarsalan á síðasta ári hafi skipað fyrirtækinu í fyrsta sæti á lista söluhæstu bifreiðaframleiðendanna á árinu.

Nissan Motor stærst

Samstæðan samanstendur af tíu framleiðendum: Renault, Nissan Motor, Mitsubishi Motors, Dacia, Renault Samsung Motors, Alpine, Lada, Infiniti, Venucia og Datsun. Stærsti markaður samstæðunnar á síðasta ári var Kína þar sem 1.719.815 bílar voru seldir. Fast á hæla fylgdu Bandaríkin með einungis 22.666 færri bíla. Söluhæsti einstaki framleiðandi samstæðunnar var Nissan Motor sem seldi 5.816.278 bíla. Þá kom Renault Group með 3.761.634 bíla og þá Mitsubishi Motors með alls 1.030.454 bíla. 

Rafbílar helstu drifjaðrirnar

Helstu driffjaðrir samstæðunnar eru hreinir rafbílar fyrirtækjanna þar sem vaxandi eftirspurn er á öllum helstu mörkuðunum, ekki síst í Bandaríkjunum, Evrópu og Asíu og seldi samstæðan 91 þúsund fleiri rafbílar á síðasta ári en 2016. Alls hefur samstæðan selt 540.623 rafbíla frá því í desember 2010 þegar Nissan Leaf kom fyrst á markað en hann er söluhæsti einstaki rafbíll heims með yfir 300 þúsund selda bíla.

Mikil eftirspurn eftir Leaf

Sala á nýrri kynslóð Leaf er að hefjast um þessar mundir og hafa rúmlega 40 þúsund aðilar í Bandaríkjunum, Evrópu og Japan lagt inn pöntun á nýja bílnum, þrettán þúsund í Japan, jafn margir í Bandaríkjunum og rúmlega 12 þúsund í Evrópu, þar af rúmlega 130 hjá BL, þar sem bíllinn verður kynntur í apríl. 

14 milljóna markið 2022

Samkvæmt áætlun samstæðunnar til 2022 verða 12 nýir mengunarlaustir (zero-emission) bílar kynntir á tímabilinu og 40 bílgerðir með sjálfakandi tækni. Gert er ráð fyrir að eftirspurn eftir slíkum bílum auki heildarsölu samstæðu Renault, Nissan og Mitsubishi verulega og að í árslok 2022 verði heildarsala hennar orðin um 14 milljónir bíla á ári.

Eitt áhugaverðasta samstarfið í bílaiðnaði

Hér að neðan er stutt myndband sem sett var saman af sérfræðingum í bílaiðnaðinum sem ræða samstarf Renault Nissan sem hófst formlega árið 1999 og þykir það áhugaverðasta í greininni, „an interesting case study,“ eins og það er orðað af einum viðmælendanna. Myndin var gerð árið 2014, áður en Renault-Nissan keypti ráðandi hlut í Mitsubishi Motors.

 

 

Sjá fleiri fréttir