X

Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum
Sportjeppar Nissan í engum venjulegum þolraunum

Sportjeppar Nissan í engum venjulegum þolraunum

12

.

December
2018
/
NISSAN

Það er ekki víst að söngkonan Mariah Carey viti það, en hún gegnir m.a. lykilhlutverki við þróun jepplinganna frá Nissan sem sameina í senn hagkvæmni fólksbílsins og torfærugetu jeppans þar sem ökumaður og farþegar sitja hátt og njóta útsýnisins úr bílnum. Að því sögðu skal tekið fram að jafn mikilvægu hlutverki gegna skógarbirnir, eldfjallaaska og fjölbreytt úrval bolla og flaska frá öllum heimshornum, svo nokkur dæmi séu tekin.

Vissa fyrir áreiðanleika

Það þarf nefnilega að taka mið af ólíklegustu atriðum við verkfræðilega þróun sportjeppa, hvort sem um er að ræða X-Trail, Juke eða Qashqai, því hönnuðirnir freista þess ávallt að líkja sem best eftir öllum þeim mögulegu raunum sem bíleigendur leggja oft á ökutæki sín. Einungis þannig verða til áreiðanlegir bílar sem eigendurnir geta treyst. 

Svo dæmi má nefna Nissan Qashqai, fyrsta sportjeppann á Evrópumarkaði. Frá því að hann fór í sölu 2007, hafa verkfræðingar Nissan framkvæmt meira en 150 þúsund þróunarprófanir á honum, Juke og X-Trail í því augnamiði að gera góða bíla enn betri. En hvernig blandast skógarbirnir, flöskur, bollar og aska inn í málið?

  • Eldfjallaaska hefur hlutverki að gegna við þróun gæða bílrúðanna gegn rispum og höggum og til að tryggja að rafknúinn vindubúnaður hliðarrúðanna þoli öskuna.
  • Áður en rafmótorar rúðuþurrknanna fara á markað þurfa þeir að ganga stöðugt í 480 klukkustundir á mismunandi hraðastillingum þar sem líkt er eftir ólíkum veðuraðstæðum á borð við rigningu, slyddu og snjókomu. Á prófunartímanum fara rúðuþurrkurnar 2,5 milljón sinnum fram og til baka á rúðunni.
  • Á hljómflutningskerfi bílanna er leikin mjög hátt tónlist með Mariah Carey, teknó tónlist ýmiss konar ásamt fleiri tónlistargerðum á mismunandi tíðnistillingum, allt frá hátíðni Carey til dýpstu bassa teknó tónlistarinnar til að reyna gæðin til hins ítrasta á tækin.
  • Þungir hlutir eru látnir falla úr hæð á glerþök bílanna til að ganga úr skugga um að styrkur glersins sé nægur til að þola harða árekstra. Þyngd hlutanna sem eru notaðir er sambærileg þeirri og ef fullvaxinn skógarbjörn klifraði upp á bílþakið. Það vill svo vill til að viðskiptavinum Nissan í þeim löndum sem birnir eru algengir í náttúrunni finnst þetta atriði mjög traustvekjandi.
  • Hinar ýmsu bolla- og flöskustærðir gegna svo því hlutverki að ganga úr skugga um að þær stærðir sem algengar eru í mismunandi löndum og menningarsamfélögum passi allar í haldarana í mismunandi bílgerðum Nissan.

Ábendingar kærkomnar

Trú sannfæringu sinni um að stöðugt megi bæta góða hluti er því ávallt fagnað hjá Nissan þegar ábendingar og tillögur að betri lausnum koma fram sem komið geta viðskiptavinunum vel. Þess vegna var t.d. hönnun flöskugeymslunnar í framhurðum Qashqai breytt þegar í ljós kom að mjög vinsælt drykkjarílát fyrir grænt te passaði ekki í hurðirnar.

Emma Deutsch, prófanastjóri bíla hjá tæknimiðstöð Nissan í Evrópu, segir að Nissan hafi þróað bíla í yfir 80 ár og allan þann tíma hafi gæðastaðlarnir og aðferðirnar við prófanir tekið stöðugum breytingum í samræmi við nýja reynslu á hverjum tíma. „Að baki hverri einustu prófun eða breytingu býr reynsla einhvers, einhvers staðar í heiminum. Þær minna okkur á fjölbreytileika mannlífsins og mismunandi þarfir og væntingar viðskiptavina okkar víða um heim sem eru okkur stöðugur innblástur í viðleitni okkar til að hámarka gæðin.“ Þessi stefna hefur svo sannarlega skilað árangri því á árinu 2017 náði fjöldi sportjeppa Nissan í Evrópu meira en 450 þúsundum sem gert hafa fyrirtækið að leiðtoga á þeim hluta markaðarins í álfunni. Eigendur sportjeppanna frá Nissan vita að þeir geta treyst þeim og notið á fjölbreyttum og krefjandi ferðalögum.

Sjá fleiri fréttir